મિશન ઇમ્પોસિબલ 8'નું ટીઝર રિલીઝ: ડાન્સિંગ હેલિકોપ્ટર અને ટોમ ક્રૂઝની જીવ સટોસટની બાજી, ચાહકો આશ્ચર્યચકિત
ટોમ ક્રૂઝની ફેમસ ફિલ્મ ફ્રેન્ચાઈઝી "મિશન ઇમ્પોસિબલ"ની આવનારી ફિલ્મ "મિશન ઈમ્પોસિબલ: ધ ફાઈનલ રેકનિંગ"નું ટીઝર રિલીઝ થયું છે, જેને લઈને ચાહકોમાં ભારે ઉત્સાહ જોવા મળી રહ્યો છે. આ ફિલ્મનો ટીઝર ટ્રેલર એક્શન, થ્રિલ અને સસ્પેન્સથી ભરપૂર છે.
ટીઝરનો આરંભ "મિશન ઇમ્પોસિબલ"ની સ્ટાઈલમાં થાય છે, જેમાં હેલિકોપ્ટર, ઝડપી કાર, અને સાહસિક દ્રશ્યોની ઝલક જોવા મળે છે. આ ફિલ્મને ટોમ ક્રૂઝ માટે વિશેષ માનવામાં આવી રહી છે, કેમકે તેમાં એથન હન્ટ તરીકે તેની દુનિયા પર અંતિમ સમયે ભરોસો મૂકતા એક સંવાદ છે – "મને છેલ્લી વાર તમારા વિશ્વાસની જરૂર છે." આ સંવાદ ચાહકોમાં ચર્ચા જગાવી રહી છે કે શું આ એથન હંટનો અંત છે.
Our lives are the sum of our choices. #MissionImpossible – The Final Reckoning. See you at the movies May 23, 2025. pic.twitter.com/09Zs9DkcxC
— Mission: Impossible (@MissionFilm) November 11, 2024
આ ફિલ્મનું નિર્દેશન ક્રિસ્ટોફર મેકક્વરીએ કર્યું છે, જેમણે અગાઉની ભાગોનું પણ સફળ દિગ્દર્શન કર્યું હતું. "મિશન ઇમ્પોસિબલ: ધ ફાઈનલ રેકનિંગ"માં ટોમ ક્રૂઝ સાથે હેલી એટવેલ, વિંગ રેમ્સ, સિમોન પેગ સહિત અન્ય જાણીતા કલાકારો જોવા મળશે.
આ ફિલ્મ 23 મે, 2025ના રોજ થિયેટર્સમાં રિલીઝ થવા જઈ રહી છે.